విశ్వనటుడు కమల్ హాసన్ - సెన్సేషనల్ డైరెక్టర్ శంకర్ కాంబినేషన్‌లో తెరకెక్కుతున్న చిత్రం ఇండియన్-2 (భారతీయుడు-2). ఈ చిత్రంలో హీరోయిన్‌గా కాజల్‌ అగర్వాల్‌ను ఎంపిక చేశారు. కానీ, ఇపుడు ఈ చిత్రంలో ఓ ప్రత్యేక గీతం కోసం హీరోయిన్‌ పాయల్ రాజ్‌పుత్‌ను ఎంపిక చేసినట్టు వార్తలు వస్తున్నాయి.
కాగా, పాయల్ రాజ్‌పుత్ "ఆర్ఎక్స్ 100" చిత్రంలో తన అందచందాలను ఆరబోసి, ప్రేక్షకుల గుండెల్లో చెరగని ముద్ర వేసుకున్న విషయం తెల్సిందే. అయితే ఆ తర్వాత ఈ అమ్మ‌డు న‌టించిన 'ఆర్డీఎక్స్ లవ్', 'వెంకీమామ' చిత్రాలు పాయ‌ల్‌కు పెద్ద‌గా పేరు తెచ్చి పెట్ట‌లేదు. రీసెంట్‌గా 'ఏ రైట‌ర్' అనే ల‌ఘు చిత్రంలో న‌టించింది.
