అక్కినేని నాగ చైతన్య న‌టించిన శైల‌జారెడ్డి అల్లుడు, స‌వ్య‌సాచి చిత్రాలు ఆశించిన స్థాయిలో విజ‌యాలు సాధించ‌క‌పోవ‌డంతో బాగా డీలా పడ్డాడు. అయితే.. ఇక నుంచి కెరీర్లో ఆచితూచి అడుగులు వేయాల‌నుకుంటున్నాడట. అందుక‌నే క‌థ‌ల ఎంపిక‌లో చాలా కేర్ తీసుకుంటున్నాడ‌ట. అంతేకాకుండా క్రేజీ ప్రాజెక్ట్స్ చేసేందుకు బాగా ఇంట్ర‌స్ట్ చూపిస్తున్నాడ‌ట. ఇదిలాఉంటే... చైతన్య కోసం స్టార్ రైట‌ర్ విజ‌యేంద్ర‌ప్ర‌సాద్ ఓ మంచి లవ్ స్టోరీ రాస్తున్నానని గతంలో ఓ ఇంటర్వ్యూలో చెప్పిన విషయం తెలిసిందే.
నాగ చైతన్య ప్రస్తుతం శివ నిర్వాణ దర్శకత్వంలో తన సతీమణి సమంతతో కలిసి మజిలీ చిత్రం షూటింగ్‌లో బిజీబిజీగా ఉన్నారు. చైతు, సమంత పెళ్లి తర్వాత కలిసి నటిస్తున్న తొలి చిత్రం మజిలీనే కావడంతో ఆ చిత్రంపై అక్కినేని అభిమానులు చాలా ఆశ‌లు పెట్టుకున్నారు. మ‌రి.. ఈ మజిలీ ఎలాంటి ఫ‌లితాన్ని అందిస్తుందో..?
