చాలా మంది తమ లోపాలను బయటకు చెప్పేందుకు సంకోచిస్తుంటారు. కానీ, కొందరు మాత్రం ఏమాత్రం బిడియం లేకుండా చెపుతుంటారు. ఈ కోవలో బాలీవుడ్ నిర్మాత, బిగ్ బాస్ మాజీ కంటెస్టెంట్ వికాస్ గుప్తా ఓ విషయాన్ని బహిర్గతం చేశారు. తాను ద్విలింగ సంపర్కుడు (బైసెక్సువల్) అని ప్రకటించాడు.
ఇదే అంశంపై ఆయన ఓ ట్వీట్ చేశారు. 'నేను స్త్రీ , పురుషుల‌లో ఎవ‌రితోనైన ప్రేమ‌లో ప‌డతాను. నాలాంటి వారు ఎంద‌రో ఉన్నారు. ఈ విషయాన్ని చెప్ప‌డానికి నేను గర్వంగా ఫీల‌వుతున్నాను. బెదిరింపుల వ‌ల‌న ఈ విష‌యం నేను చెప్ప‌డం లేదు' అని వికాస్ గుప్తా త‌న ట్వీట్‌లో పేర్కొన్నారు.
పార్థ్‌సంతాన్, ప్రియాంక శర్మలకు ధన్యవాదాలు. వారు నాకు చేసిన అవమానాల వల్ల నేను మరింత శక్తివంతంగా తయారయ్యాను. దేవుడు ఎలా సృష్టించారో నేను అలా మారాను. ఈ క‌ష్ట స‌మ‌యంలో నాతో అండ‌గా నిలిచిన వారికి ధన్యవాదాలు అని వికాస్ స్ప‌ష్టం చేశారు.
