హీరోయిన్ అవికా గోర్‌ను అలా తొక్కేసిన యువ హీరో.. ఎవరు?

ఇక్కడ ఎవరిని ఎవరు తొక్కేయరు.. తొక్కబడరు అని స్టేట్‌మెంట్లు ఇచ్చేస్తుంటారు సినిమా వాళ్ళు. అది విని నిజంగా నిజమేమో అని అనుకుంటుంటాం.. కానీ నిజం కాదని కొన్ని విషయాలు చెప్తుంటాయి. కాస్త పలుకుబడి మరికొంత క్రేజ్ సంపాదించే నటులను ఎలాగైనా తొక్కేయ్యాలని కొంతమంది చూస్తుంటారు. సినీపరిశ్రమలో అదే ఇప్పుడు జరుగుతోంది.

యువ కథానాయకి అవికాగోర్ విషయంలో అదే జరుగుతోందట. ఒకటి రెండు సినిమాలతో తానేంటో నిరూపించుకుని తెలుగు సినీ పరిశ్రమలో మంచి పేరు తెచ్చుకున్న అవికా గోర్ ఇప్పుడు ఇబ్బందులు  పడుతోంది. ఉయ్యాల జంపాలా.. సినిమా చూపిస్త మావతో హీరోయిన్‌గా మంచి పేరు తెచ్చేసుకున్న అవికా గోర్ ఆ తరువాత వెనుతిరిగి చూడనేలేదు. చేతిలో ఆరు, ఏడు సినిమాలతో బిజీ అయిపోయింది.

అయితే ఆ సినిమాలు సెట్ పైకి రాకముందే అవికాగోర్‌కు కొందరు శకునిలాగా మారిపోయారట. ఆమె ఛాన్సులను లాగేసుకుంటున్నారట. ఈ హిందీ భామకు తెలుగు సినిమాల్లో అవకాశమివ్వడం ఏమిటని కొంతమంది సీనియర్ హీరోయిన్లు డైరెక్టర్లను ప్రశ్నించారట. ఇదిలావుటే అవికా ఈ మధ్య ఒక హీరోతో గొడవ పెట్టుకుందట. దీంతో ఆ యువహీరో అవికాకు తెలుగు సినిమాల్లో ఛాన్సులు రాకుండా అడ్డుపడుతున్నారట. అవికాకు ఛాన్సులు ఇవ్వకూడదంటూ మరికొంతమంది యువ హీరోలను కలుపుకుని డైరెక్టర్లతో మాట్లాడారట ఆ యువ హీరో.

విషయం కాస్త అలా అలా అవికాకు తెలిసి ఈ గోల నాకెందుకులే అని తెలుగు సినిమాల్లో నటించడం మానెయ్యడం బెటరనే నిర్ణయానికి వచ్చేసిందట. ప్రస్తుతం హిందీలో అవకాశాలు కోసం వేచి చూస్తోందట. మరి అవికాను ముప్పుతిప్పలు పెడుతున్న యువ హీరో చల్లబడితే తప్ప అవికాగోర్‌కు తెలుగులో ఛాన్సులు వచ్చే అవకాశమే లేదని చెప్పుకుంటున్నారు తెలుగు సినీజనం.