సీనియ‌ర్ డైరెక్ట‌ర్ ర‌విరాజా పినిశెట్టి కుమారుడు ఆది పినిశెట్టి హీరోగా న‌టించిన తాజా చిత్రం నీవెవ‌రో. ఈ సినిమా ప్ర‌మోష‌న్లో భాగంగా మీడియాతో మాట్లాడుతూ... ఆది త‌న సోద‌రుడు స‌త్య ప్ర‌భాస్ తెలుగులో ఓ యువ హీరోతో సినిమా చేయ‌బోతున్నాడు. ఇది తెలుగు, హిందీ భాష‌ల్లో రూపొంద‌నుంది. త్వ‌ర‌లోనే అఫిషియ‌ల్ ఎనౌన్స్‌మెంట్ ఉంటుంది అని చెప్పాడు. ఇలా ఆది చెప్ప‌డంతో ఆ తెలుగు యువ హీరో అఖిల్ అంటూ టాక్ వినిపిస్తోంది.
ఇదిలా ఉంటే... అఖిల్‌తో స‌త్య ప్ర‌భాస్ సినిమా తెలుగు, హిందీ భాష‌ల్లో రూపొంద‌నుంది అని ఇటీవ‌ల వార్తలు వ‌చ్చాయి. ఈ వార్త‌ల గురించి నాగ్‌ని అడిగితే... మ‌నం చాలా అనుకుంటాం కానీ.. అనుకున్న‌వ‌న్నీ జ‌ర‌గ‌వు క‌దా..! అలాగ‌ని ప్ర‌య‌త్నించ‌డం మానేయం. ప్ర‌య‌త్నిస్తూనే ఉంటాం అని చెప్పారు. అయితే.. ఆది మాత్రం ఈ మూవీ ఉంటుంది. త్వ‌ర‌లోనే ఎనౌన్స్‌మెంట్ అని చెబుతున్నాడు. మ‌రి.. నాగ్ ఏమో లేదు అన్న‌ట్టు చెప్పారు. ఆది ఉంది అన్న‌ట్టు చెప్పాడు. అస‌లు ఏం జ‌రిగిందో..? ఉంటే ఎప్పుడు ఎనౌన్స్ చేస్తారో చూడాలి.
