యంగ్ రెబెల్ స్టార్ ప్రభాస్ వివాహంపై ఆయన పెద్దనాన్న, టాలీవుడ్ సీనియర్ హీరో, రెబెల్ స్టార్ కృష్ణంరాజు ఒకింత అసహనంతో కూడిన వ్యాఖ్యలు చేశారు. ప్రభాస్ వివాహం గురించి విలేకరులు కృష్ణంరాజును వద్ద ప్రస్తావిస్తే... "అతనే (ప్రభాస్) ఆలోచించుకోవాలి.. 30 ఏళ్లు దాటాయి.. ఏమైనా చిన్నపిల్లవాడా. పెళ్లి చేసుకో? ఎప్పుడు చేసుకుంటావు? అని అడుగుతూనే ఉంటాం. పెళ్లి చేసుకుంటాను అని చెబుతూనే ఉంటాడు. కానీ ఓ నిర్ణయం తీసుకోడు అని అన్నాడు.
ప్రభాస్ పెళ్లి గురించి అడిగిన ప్రశ్నకు సీనియర్ నటుడు, ఆయన పెదనాన్న కృష్ణంరాజు ఆసక్తి కర వ్యాఖ్యలు చేశారు. ఓ ఇంటర్వ్యూలో ఆయన మాట్లాడుతూ, 'అతనే (ప్రభాస్) ఆలోచించుకోవాలి.. ముప్పై ఏళ్లు దాటాయి.. ఏమైనా చిన్నపిల్లవాడా. పెళ్లి చేసుకో? ఎప్పుడు చేసుకుంటావు? అని అడుగుతూనే ఉంటాం. 'పెళ్లి చేసుకుంటాను' అని చెబుతాడు.
ఇకపోతే, ఇప్పుడు.. మా కుటుంబాల్లో ఎలా ఉంటుందంటే.. కొడుకుని ఐదు సంవత్సరాల వయసు వరకు దేవుడిలా చూడాలట. ఆ తర్వాత పద్దెనిమిది సంవత్సరాల వరకు బానిసలా చూడాలట. పద్దెనిమిదేళ్ల లోపు దారిలో పెట్టాలి. పద్దెనిమిదేళ్ల తర్వాత స్నేహితుడిలా చూడాలట అని అన్నారు. ప్రభాస్ ఆర్టిస్ట్‌గా ఎదిగాడని, 'బాహుబలి' సినిమా ప్రధాని మోడీకి బాగా నచ్చిందని చెప్పుకొచ్చారు. 'సాహో' సినిమా తర్వాత ప్రభాస్‌తో తమ సొంత బ్యానర్‌పై ఓ చిత్రాన్ని తెరకెక్కించనున్నట్టు చెప్పారు. జూలై, ఆగస్టులలో ఈ చిత్రాన్ని ప్రారంభిస్తామని కృష్ణంరాజు వివరించారు.
