తెలుగు చిత్రపరిశ్రమకు చెందిన నటీనటులంతా కలిసి ఏర్పాటు చేసుకున్న సంస్థ మూవీ ఆర్టిస్ట్ అసోసియేష‌న్ (మా). దీన్నికి ఈ నెల 10వ తేదీన ఎన్నికలు జరుగనున్నాయి. అయితే, ఈ ఎన్నిక‌ల‌పై న‌టుడు, దర్శకుడు రవిబాబు సంచ‌ల‌న వ్యాఖ్యలు చేశారు. మా అధ్య‌క్షుడిగా తెలుగు వారినే ఎన్నుకోవాలని స్పష్టం చేశారు. తెలుగు న‌టుల కోసం ఏర్పాటు చేసుకున్న సంస్థ మా. అలాంటి సంస్థ‌ను న‌డిపేందుకు మనలో ఒక‌రైనా ప‌నికిరారా? అని ప్రశ్నించారు.
నిర్మాతలు బ‌య‌టి నుంచి క్యారెక్టర్ ఆర్టిస్టుల‌ను తీసుకొస్తున్నారు. బ‌య‌టివాళ్ల డిమాండ్లకు అంగీకరించిమరీ వేషాలు ఇస్తున్నారు. హైద‌రాబాద్‌లో 200 మంది కెమెరామెన్ల‌కు ప‌ని లేదని గుర్తుచేశారు. అలాగే, ఔట్‌డోర్ బిల్లులు చూసి నిర్మాతలు బెంబేలెత్తుతున్నారు. ముంబై నుంచే మేక‌ప్‌మెన్లు, హెయిర్ డ్రెస‌ర్లు వ‌స్తున్నారు. మరి తెలుగువారి పరిస్థితి ఏంటి అంటూ ఆయన ప్రశ్నించారు.
