మహిళను ఐటం అంటారెందుకు. అదేమైనా వస్తువా.. నేను డాన్స్‌ చేస్తే ఐటం సాంగ్‌ చేశారని ప్రచారం జరిగింది. నేను చేసింది ప్రత్యేక గీతం అంటూ.. యాంకర్‌, నటి అనసూయ చెబుతోంది. సాయిధరమ్‌ తేజ్‌, రకుల్‌ప్రీత్‌ సింగ్‌ నటించిన 'విన్నర్‌'లో పాటకు డాన్స్‌ చేసింది. సోషల్‌ మీడియాలోనూ బయట శ్రోతలను అలరిస్తోంది. ఈ సందర్భంగా అనసూయ మాట్లాడింది.
నాపై వచ్చే పాటను సుమ పాడటం గర్వంగా వుంది. నా గుణగుణాల గురించి పాట రాయడం.. దాన్ని సుమ పాడటం నేను మర్చిపోలేనిది. నా కెరీర్‌లో ఇదో మైలురాయిలాంటిది. ఈ పాటను నా భర్త భరద్వాజ పాడితే వినాలనుంది. తనకు తెలుగురాదు. హిందీలో పాడించుకుంటానని చెప్పింది. ఈ సినిమాలో ప్రత్యేక పాటలో కన్పిస్తాను. రెండే సీన్లు వుంటాయి.
