బాలకృష్ణ హీరోగా 105వ సినిమా ప్రారంభం.. పోస్టర్ రిలీజ్
ఆదివారం, 1 సెప్టెంబరు 2019 (12:43 IST)
నందమూరి బాలకృష్ణ హీరోగా 105వ సినిమా ప్రారంభం కానుంది. హ్యాపీ మూవీస్‌ బ్యానర్‌పై కె.ఎస్‌.రవికుమార్‌ దర్శకత్వంలో సి.కల్యాణ్‌ ఈ చిత్రాన్ని నిర్మిస్తున్నారు. ఈ సినిమా రెగ్యులర్ షూటింగ్ శరవేగంగా జరుగుతోంది. ఇటీవల థాయ్‌లాండ్‌లో తొలి షెడ్యూల్ పూర్తయ్యింది.
సెప్టెంబర్ 5 నుండి హైదరాబాద్ రామోజీ ఫిలింసిటీలో లెంగ్తీ షెడ్యూల్ ప్రారంభమవుతుంది. ఈ సినిమాలో పూర్తిగా స్టైలిష్ లుక్‌లో కనిపించారు. ''జైసింహా'' వంటి విజయవంతమైన చిత్రం తర్వాత ఈ హిట్ కాంబినేషన్‌లో రూపొందుతోన్న రెండో చిత్రమిది.
వినాయక చవితి సందర్భంగా ప్రేక్షకులకు శుభాకాంక్షలను తెలియజేస్తూ రెండు పోస్టర్స్‌ను యూనిట్ విడుదల చేసింది. సోనాల్‌ చౌహాన్‌, వేదిక హీరోయిన్స్‌గా నటిస్తున్నారు. ప్రకాశ్‌రాజ్‌, జయసుధ, భూమిక చావ్లా ప్రధాన పాత్రల్లో నటిస్తున్నారు.
