యాక్ష‌న్ స‌న్నివేశాల్లో బాల‌కృష్ణ సినిమా

Nandamuri Balakrishna

నంద‌మూరి బాల‌కృష్ణ తాజా సినిమా గోపీచంద్ మ‌లినేని ద‌ర్శ‌క‌త్వంలో రూపొందుతోంది. వ‌ర‌ల‌క్ష్మీ శ‌ర‌త్ కుమార్ కీల‌క పాత్ర పోషిస్తోంది. దునియా విజ‌య్ ప్ర‌తినాయ‌కుడిగా న‌టిస్తున్నాడు. కాగా, ఈ సినిమాకు సంబంధించిన యాక్ష‌న్ ఎపిసోడ్స్‌ను రామ్ ల‌క్ష్మ‌ణ్ ఫైట్ మాస్ట‌ర్ ఆధ్వ‌ర్యంలో చిత్రీక‌రిస్తున్నారు. ఇప్ప‌టికే రెండు యాక్ష‌న్ పార్ట్ పూర్త‌యింది. ఇది మూడోది. సినిమాలో చాలా కీల‌క‌మైన ఈ పార్ట్‌ను బాల‌కృష్ణ ప్ర‌త్యేకంగా డిజైన్ చేయ‌మ‌ని రామ్ ల‌క్ష్మ‌ణ్‌ల‌కు సూచించిన‌ట్లు తెలుస్తోంది.

ఓ య‌దార్థ సంఘ‌ట‌న ఆధారంగా ఈ చిత్రం రూపొందుతోంది. ద‌ర్శ‌కుడు గోపీచంద్ దీనిని సినిమాటిక్‌గా మార్చి ఓ సందేశాత్మ‌క చిత్రంగా రూపొందించే ప‌నిలో వున్నారు. ఈ సినిమాకు సంబంధించిన పోరాటాలు హైద‌రాబాద్ శివార్లో జ‌రుగుతున్నాయి.

ఇందులో బాల‌కృష్ణ రెండే కోణాలున్న పాత్ర‌ల‌లో క‌నిపించ‌నున్నారు. ఇప్ప‌టికే 40 రోజుల‌పాటు షూటింగ్ చేశారు. త్వ‌ర‌లో విదేశాల్లో ఓ కీల‌క షెడ్యూల్ చేయ‌నున్నారు. ఈ సినిమా త‌ర్వాత బాల‌కృష్ణ త‌దుప‌రి సినిమా అనిల్ రావిపూడి ద‌ర్శ‌క‌త్వంలో చేయ‌నున్నారు.