బిగ్ బాస్ తెలుగులో సోమవారం ఎపిసోడ్ నామినేషన్స్‌తో హీట్ ఎక్కింది. నాగార్జున ఇనయాకి వార్నింగ్ ఇవ్వడంతో ఇనయా, సూర్య కాసేపు గేమ్ గురించి మాట్లాడారు. ఇకపై తానేంటో చూపిస్తా అని ఇనయా చెప్పగా సూర్య కూడా ఇనయా ఇకపై గేమ్ ఆడేలా చేస్తాను అని చెప్పడం విశేషం.
అన్నా చెల్లెళ్లుగా చెప్పుకునే గీతూ, బాలాదిత్య మధ్యలో విబేధాలు వచ్చాయి. గీతూ బాలాదిత్యని నామినేట్ చేయడంతో నాగార్జున నువ్వు మోసం చేశావని ఓ వీడియో చూపించారు. కానీ అది నిజం అని ఇప్పుడు తెలుస్తుందని చెప్పి బాలాదిత్య బాగా హర్ట్ అయ్యాడు.
శ్రీసత్య, రేవంత్ కి మధ్య కూడా పెద్ద గొడవే జరిగింది. ఇక అర్జున్, ఆదిరెడ్డి అయితే కొట్టుకునేదాకా వెళ్లారు. మెరీనా విషయంలో కూడా ఆదిరెడ్డి ఫైర్ అయ్యాడు. మరోవైపు రాజ్, వాసంతి కూడా గొడవపడ్డారు. అందరూ బాలాదిత్యని మంచోడు అంటూనే ఈ వారం ఎక్కువమంది బాలాదిత్యని నామినేట్ చేయడం విశేషం.
మొత్తంగా ఈ వారం నామినేషన్స్‌లో అత్యధికంగా 13 మంది నామినేట్ అయ్యారు. రేవంత్, బాలాదిత్య, రోహిత్‌, వాసంతి, శ్రీహాన్, ఆదిరెడ్డి, ఇనయ, అర్జున్, కీర్తి, శ్రీ సత్య, మెరీనా, రాజ్, ఫైమాలు ఏడో వారం నామినేషన్స్ లో ఉన్నారు.
