ఆరో సీజన్‌లో లవ్‌ట్రాక్‌లు నడిపేందుకు బిగ్‌బాస్‌ నానా తిప్పలు పడుతున్నాడు. అర్జున్‌-శ్రీసత్యలను కలిపేందుకు ప్రయత్నించాడు. కానీ అది కాస్త ప్లాఫ్ అయ్యింది. శ్రీసత్య నుంచి ఎలాంటి రెస్పాన్స్‌ రాలేదు. ఇక షో ప్రారంభంలోనే ఆర్జే సూర్య, ఆరోహి రావుల మధ్య లవ్ ట్రాక్ నడిపించే ప్రయత్నం చేశాడు. అదీ కొనసాగలేదు.
ఇక ఇనయా కూడా తమ ఫ్రెండ్‌షిప్‌ మ్యాటర్‌ బిగ్‌బాస్‌ ఎటో తీసుకెళ్తున్నాడని గ్రహించి, దూరంగా ఉండి గేమ్‌ ఆడేందుకు సిద్ధమైంది. సోమవారం నామినేషన్స్‌లో ఏకంగా సూర్యతో గొడవకు కూడా దిగింది. దీంతో సూర్య, ఇనయాల విషయంలో కూడా బిగ్‌బాస్‌ ప్లాన్‌ వర్కౌట్‌ కాలేదని అంతా భావించారు. కానీ నిన్నటి ఎపిసోడ్‌తో ఎట్టకేలకు తాను విజయం సాధించానని నిరూపించాడు బిగ్‌బాస్‌.
