బాలీవుడ్ హీరో రణ్బీర్, బాలీవుడ్ నటి అలియా భట్‌లు ప్రేమలో నిండా మునిగితేలుతున్నట్టు బాలీవుడ్ కోడై కూస్తోంది. ఇటీవల రణ్బీర్ కుటుంబమంతా కలిసి అలియాను డిన్నర్‌కి కూడా తీసుకువెళ్లిందట. అదేసమయంలో తామిద్దరం రిలేషన్‌షిప్‌లో ఉన్నామంటూ రణ్బీర్ అంగీకరించగా.. అలియా మాత్రం ఈ విషయంపై పెదవి విప్పడం లేదు.
ఈ నేపథ్యంలో అలియా సోదరి పూజా భట్‌ను మీడియా ప్రశ్నించింది. 'ఈ విషయం గురించి మీరు అలియానే అడగాలి. నా వ్యక్తిగత విషయాల గురించి అడిగితే సమాధానం చెప్పగలను, కానీ నా సోదరి విషయంలో ఎలా మాట్లాడగలను' అంటూ ఒకింత ఘాటుగానే సమాధానం చెప్పింది.
అదేసమయంలో 'ప్రస్తుతం అలియా కెరీర్‌ లైమ్‌లైట్‌లో ఉంది. తన నటనతో ప్రేక్షకులకు వినోదాన్ని పంచుతోంది. ఈ విషయంలో నేను, నాన్న(మహేష్‌ భట్‌) సంతోషంగా ఉన్నాం. తన కెరీర్‌ గురించి సలహాలు ఇవ్వగలం గానీ తన వ్యక్తిగత నిర్ణయాల్లో జోక్యం చేసుకోవడానికి ఎవరికీ హక్కు లేదంటూ' అని వ్యాఖ్యానించారు.
