మల్లేశం సినిమాతో తెలుగు ప్రేక్షకులకు పరిచయమైన ఈ భామ తన నటనా ప్రతిభతో ప్రేక్షకుల్ని మంత్రముగ్ధుల్ని చేసింది. తన అందం అభినయంతో వకీల్ సాబ్ లాంటి భారీ చిత్రంలో అవకాశాన్ని దక్కించుకొని మంచి పేరు తెచ్చుకుంది. ఆ తర్వాత వరుసగా ప్లే బ్యాక్, మ్యాస్ట్రో, శాకుంతలం, మళ్లీ పెళ్లి వంటి చిత్రాలతో అలరించింది. ఇటీవలే తన పుట్టినరోజు జరుపుకుంది ఈ అమ్మడు. ఈ సందర్భంగా మూవీ మేకర్స్ తనకు శుభాకాంక్షలు తెలియజేస్తూ ఆమె అప్ కమింగ్ సినిమా పోస్టర్లను విడుదల చేశారు.
ప్రస్తుతం అనన్య చేతులో భారీగా సినిమా ఆఫర్లు ఉన్నాయి. అందులో బహిష్కరణ, లేచింది మహిళా లోకం, అన్వేషీ, నవాబు, తంత్ర సినిమాలతో కలిపి మొత్తం 7 సినిమాల్లో హీరోయన్ గా నటిస్తుంది. అందులో ప్రొడక్షన్ నెం1 అంత్యంత ప్రతిష్టాత్మకంగా తెరకెక్కుతుంది. ఈ సినిమాకు సంబంధించిన మరిన్ని విషయాలు త్వరలోనే తెలియజేస్తామని చిత్ర యూనిట్ తెలిపింది.
