బాహుబలితో తిరుగులేని విజయాన్ని సొంతం చేసుకున్న ప్రభాస్ కెరీర్‌లో తదుపరి సినిమాగా, అతని కెరీర్‌లోని 19వ సినిమాగా తెరకెక్కుతున్న సాహో షూటింగ్ శరవేగంగా జరుగుతోంది. భారతీయ ఫాస్ట్ అండ్ ఫ్యూరియస్ సినిమాగా తెరకెక్కుతున్న ఈ సినిమా ఆగష్టు 15వ తేదీన విడుదల కాబోతున్న సంగతి తెలిసిందే.
కాగా... ఈ చిత్రానికి సంబంధించిన తాజా వార్త ఒకటి ఇప్పుడు టాలీవుడ్‌లో చక్కర్లు కొడుతోంది. అది ఏమిటంటే... ఇందులో బాలీవుడ్ హీరోయిన్ శ్రద్దా కపూర్ లీడ్ రోల్ చేస్తున్న విషయం కూడా తెలిసిందే అయినప్పుటికీ.. ఇండో జర్మన్ తార ఎవైలన్ శర్మ దీనిలో కీలక పాత్ర పోషిస్తోందట. ఆమె పాత్రకు సంబంధించిన కీలక సమాచారం ఇటీవల బయటకు వచ్చింది.
