అసలే కోవిడ్ రెండో దశ. కొత్త వైరస్ చొచ్చుకుని వస్తోంది. ఈ నేపధ్యంలో సినీ సెలబ్రిటీలు ఇతర ప్రాంతాలకు వెళ్లాలంటేనే భయం కలుగుతోంది. అందుకే ఇప్పుడు ప్రతి ఒక్కరూ తెలుగు రాష్ట్రాల్లోనే షూటింగులు కానించేస్తున్నారు. ఎక్కడయినా ప్రత్యేకించి షూటింగ్ చేయాలనుకుంటే మాత్రం ఆ ప్రదేశాన్ని సెట్స్ ద్వారా క్రియేట్ చేసేస్తున్నారు.
ప్రస్తుతం ఆచార్య చిత్రం కోసం అదే జరుగుతోంది. మెగాస్టార్ చిరంజీవి హీరోగా, కొరటాల శివ దర్శకుడిగా తెరకెక్కుతున్న ప్రతిష్టాత్మక భారీ చిత్రంపై సర్వత్రా భారీ అంచనాలు నెలకొన్న విషయం తెలిసిందే. ఇప్పుడు ఈ సినిమా కోసం వేసిన ఒక భారీ టెంపుల్ టౌన్ సెట్ సరికొత్త రికార్డులకు నాంది పలుకుతుంది. దాని స్పెషల్ ఏంటంటే ఆ సెట్‌ని మేకర్స్ నగర శివార్లలో గల కోకాపేటలో 20 ఎకరాల్లో ఎంతో ఖర్చు పెట్టి నిర్మించారు.
