నటిగా, సింగర్‌గా ఎంతో పేరు ప్రఖ్యాతలు దక్కించుకున్న నటి జెన్నిఫర్ లోపేజ్. ఈ అమ్మడు వేష ధారణ ఎపుడు చూసినా కాస్త విచిత్రంగానే ఉంటుంది. తాజాగా ఇదే తరహాలో దుస్తులు ధరించి ప్రతి ఒక్కరూ తన వస్త్రధారణపై చర్చించుకునేలా చేసింది. ఇంతకీ ఆమె ఎలాంటి దుస్తులు ధరించిందో పరిశీలిస్తే...
ఈ అమ్మడు తాజాగా తన షూస్‌తో అంద‌రు అవాక్క‌య్యేలా చేసింది. తెల్ల‌ని చొక్కా, న‌ల్ల‌ని క‌ళ్ళ‌ద్దాల‌తో రోడ్డు మీదుకు వ‌చ్చిన జెన్నిఫర్ మోకాళ్ళ‌వ‌ర‌కు జీన్స్ ప్యాంట్‌లా ఉండే షూస్ ధ‌రించింది. ఆ బూట్ల‌కి పైన ఉన్న బెల్టు, పాకెట్‌లు చూడముచ్చటగా ఉన్నాయి.
వీటిని గమనించని కొందరు తన జీన్స్ మోకాళ్ల వరకూ జారీపోయిన, ఆ విషయం జెన్నీ గుర్తించలేదా.. అనుకుంటూ ముచ్చ‌టించుకున్నారు. కానీ తన పాట‌ల‌తో యువ‌త‌కి వెర్రెక్కించే ఈ అమ్మడు జీన్స్ ప్యాంట్‌లా ఉండే స్టైలిష్‌ బూట్ల‌ని ధరించి అంద‌రూ నోరెళ్ల‌పెట్టేలా చేసింది. దీనికి సంబంధించిన ఫోటోలు ఇపుడు సోషల్ మీడియాలో వైరల్‌గా మారాయి.
