'బాహుబలి 2' విజయంపై సినీ నటుడు కమల్ హాసన్ ఆసక్తికర వ్యాఖ్యలు చేశారు. 'బాహుబలి' చిత్ర విజయాన్ని చూసి మురిసిపోవద్దని, ముఖ్యంగా.. ఈ ఒక్క చిత్రంతో హాలీవుడ్‌ను పొల్చవద్దని హితవు పలికారు. గత నెల 28వ తేదీన విడుదలైన 'బాహుబలి' చిత్రం అఖండ విజయాన్ని సొంతం చేసుకుని కలెక్షన్ల వర్షం కురిపిస్తున్న విషయం తెల్సిందే.
అదేసమయంలో ఈ సినిమాను మనం ఉదాహ‌ర‌ణ‌గా తీసుకొని హాలీవుడ్‌ను మించిపోతామ‌ని అన‌డమే బాగో లేదని, దానికి తాను అంగీక‌రించ‌బోన‌ని చెప్పారు. సినిమాలు తీయ‌డానికి మాత్రం మంచి క‌థ‌లు ఉన్నాయ‌ని, గొప్ప సంస్కృతి మ‌న‌కు ఉంద‌ని 'బాహుబలి' చిత్రం నిరూపించిందని ఆయ‌న తెలిపారు.
