సినీ నటి హేమకు బెంగుళూరు కోర్టు ఊరటనిచ్చింది. బెంగుళూరు రేవ్ పార్టీలో పాల్గొని డ్రగ్ సేవించారంటూ ఆమెపై బెంగుళూరు పోలీసులు కేసు నమోదు చేసి దర్యాప్తు చేస్తున్నారు. అయితే, ఈ విచారణపై కర్నాటక హైకోర్టు స్టే విధించింది. ఈ రేవ్ పార్టీ కేసులో నటి హేమను పోలీసులు అరెస్టు చేయగా రిమాండ్‌కు వెళ్లారు. ఈ నేపథ్యంలో తదుపరి చర్యలపై హైకోర్టు స్టే విధించింది.
రేవ్ పార్టీలో హేమ ఎండీఎంఏ డ్రగ్ తీసుకున్నారని నిరూపించే ఆధారాలు లేవని జస్టిస్ హేమంత్ చందన గౌడర్ అన్నారు. సహ నిందితుల ఒప్పుకోలు ప్రకటన ఆధారంగానే పిటిషనర్‌పై చార్జిషీటు వేశారని గుర్తుచేశారు. 8వ అదనపు జిల్లా, సెషన్స్ జడ్జి, బెంగుళూరు రూరల్ ఎన్డీపీఎస్ కేసుల ప్రత్యేక న్యాయమూర్తి ముందు పెండింగ్‌లో ఉన్న చార్జిషీటు, తదుపరి విచారణపై స్టే కోరుతూ హేమ ఇంటర్ లొకేటరీ అప్లికషన్‌ను దాఖలు చేసింది. దీన్ని విచారించిన ఉన్నత న్యాయస్థానం ఆమెపై తదుపరి చర్యలపై స్టే విధించింది. ప్రస్తుతం హేమ బెయిల్‌పై ఉన్న విషయం తెల్సిందే.
