గంగూభాయ్ సినిమాకు చిక్కు.. అది సెక్స్ వర్కర్స్ అడ్డా కాదు.. ఎమ్మెల్యే ఫైర్

సోమవారం, 8 మార్చి 2021 (17:44 IST)
Alia Bhatt
బాలీవుడ్‌లో సంచలన సినిమాలకు కేరాఫ్ అడ్రస్ సంజయ్ లీలా భన్సాలీ తాజాగా గంగూభాయ్ సినిమాను రూపొందిస్తున్నారు. ఈ సినిమాపై కూడా ప్రస్తుతం వివాదం చెలరేగుతుంది. అలియా భట్ హీరోయిన్‌గా నటిస్తున్న ఈ చిత్ర టీజర్ విడుదలై సంచలనం రేపుతుంది. దీనికి విమర్శకుల ప్రశంసలు అందుతున్నాయి. అలియా అద్భుతంగా ఉందంటూ కామెంట్ చేస్తున్నారు.
 
అంతేకాదు ట్రిపుల్ ఆర్ యూనిట్ అంతా కూడా గంగూభాయ్ సినిమాకు ప్రమోషన్ చేస్తున్నారు. ఈ చిత్రంలో అలియా భట్ వేశ్య పాత్రలో నటిస్తుంది. ముంబైలోని కామాతిపురాలో సెక్స్ వర్కర్‌ అయిన గంగూభాయ్ కతియావాడి జీవితకథ ఆధారంగా ఈ సినిమాను రూపొందిస్తున్నాడు దర్శకుడు సంజయ్ లీలా భన్సాలీ. 
 
రామ్ లీలా, భాజీరావ్ మస్తానీ, పద్మావత్ లాంటి వరస విజయాల తర్వాత ఈయన నుంచి వస్తున్న సినిమా ఇది. తాజాగా ఈ సినిమాపై వివాదం రేగుతుంది. ఎమ్మెల్యే అమిన్ పటేల్ గంగూభాయ్ సినిమాపై అభ్యంతరం వ్యక్తం చేశాడు. కామాతిపురాను అవమానించేలా ఈ సినిమా ఉందంటూ ఆయన మండి పడ్డారు. ఆ ప్రాంతాన్ని జనాల్లో తక్కువ చేసి చూపిస్తున్నారని.. హేళన చేస్తున్నారని ఆరోపించారు.
 
ఆ ప్రాంతం నుంచి వచ్చిన మహిళలు ఇప్పుడు సైంటిస్టులు అయ్యారని.. దేశం గర్వపడే స్థాయిలో ఉన్నారని చెప్పుకొచ్చాడు అమిన్. కానీ గంగూబాయ్ సినిమాలో మాత్రం ఇప్పటికీ అది సెక్స్ వర్కర్స్ అడ్డా అన్నట్లు చూపించారని ఆయన ఫైర్ అయ్యారు. వెంటనే ఆ సినిమాపై యాక్షన్ తీసుకోవాలని ప్రభుత్వాన్ని కోరారు.

వెబ్దునియా పై చదవండి

సంబంధిత వార్తలు