''ఎన్నో అనుకుంటాం, టైం వచ్చినప్పుడు తప్పదు మరి'' అని మెగా హీరో సాయి ధరమ్ తేజ్ ట్విట్టర్లో ఓ వీడియోని పోస్ట్ చేశాడు. ఆ వీడియోలో బ్యాచిలర్ హీరోలందరూ కలిసి ఉన్న 'సింగిల్ ఆర్మీ' అనే వాట్సాప్ గ్రూప్ నుంచి నిఖిల్, నితిన్, రానా.. ఇలా ఒక్కొక్కరు లెఫ్ట్ అయ్యారు. చివర్లో "ప్రభాస్ అన్నా.. సారీ, ఇప్పుడు నా వంతు వచ్చిందంటూ" సుప్రీం హీరో కూడా లెఫ్ట్ అయ్యారు. దీంతో సాయి తేజ్ త్వరలోనే పెళ్లి పీటలెక్కనున్నారని అభిమానులు భావించారు.
