సక్సెస్ జోరులో నిర్మాత సూర్యదేవర నాగవంశీ మాట్లాడుతూ, అనంతపురంలో 'డాకు మహారాజ్' సక్సెస్ మీట్ ఏర్పాటు చేస్తామని ప్రకటించారు. ఇప్పటికే ప్రీ రిలీజ్ అక్కడ చేయాలని అనుకున్నా తిరుమలలో జరిగిన తొక్కిసలాటలో కొందరు భక్తులు చనిపోవడంతో వాయిదా వేయాల్సివచ్చింది.
దర్శకుడు బాబీ కొల్లి మాట్లాడుతూ, "తెలుగు ప్రేక్షకులు అందరికీ పేరు పేరునా మా టీం తరపున థాంక్స్ చెబుతున్నాము. రెండేళ్ళ క్రితం ఒక ఆలోచనతో ఈ ప్రయాణం, ఈ సంక్రాంతి కానుకగా మీ ముందుకు వచ్చింది. బెస్ట్ అవుట్ పుట్ ఇవ్వాలని టీమ్ అందరం ఎంతో కష్టపడ్డాము. సినిమాకి వస్తున్న స్పందన పట్ల బాలకృష్ణ గారు చాలా హ్యాపీగా ఉన్నారు. నా ఈ అవకాశం ఇచ్చి, ఫ్రీడమ్ ఇచ్చి, అడిగివన్నీ సమకూర్చి, ఎక్కడా రాజీ పడకుండా ఈ చిత్రాన్ని నిర్మించిన నాగవంశీ మరోసారి కృతజ్ఞతలు తెలుపుకుంటున్నాను అన్నారు.
