'జ‌ల్సా', 'అత్తారింటికి దారేది' వంటి సూప‌ర్ హిట్ సినిమాల త‌ర్వాత పవన్ కల్యాణ్, త్రివిక్రమ్ కాంబినేషన్‌లో వ‌స్తున్న చిత్రం. ఈనెల పదో తేదీన రిలీజ్ కానుంది. ఈ చిత్రం కోసం అభిమానులు వెయ్యి క‌ళ్ల‌తో ఎదురు చూస్తున్నారు. ఈ సినిమాకు సంబంధించిన టీజ‌ర్ ఇటీవ‌లే విడుద‌ల కాగా, ట్రైలర్ కూడా విడుద‌లైంది. ఈ ట్రైలర్ చిత్రంపై భారీ అంచనాలను పెంచేసింది.
కాగా, ఈ సినిమా హారిక అండ్ హాసిని క్రియేషన్స్ బ్యానర్‌పై నిర్మాత రాధాకృష్ణ నిర్మించిన "అజ్ఞాతవాసి" సినిమాలో పవన్ స‌ర‌స‌న కీర్తి సురేష్, అను ఎమ్మాన్యుయెల్ హీరోయిన్లుగా న‌టించారు. అనిరుధ్ రవిచంద్రన్ సంగీత బాణీలు సమకూర్చారు. ఈ ట్రైలర్‌ను ఇప్పటికే కోటి మందికిపైగా వీక్షించారు.
