నేనేమో భారత్‌కు ప్రధాని.. మా ఆయన అమెరికాకు అధ్యక్షుడు.. ప్రియాంక చోప్రా

బుధవారం, 5 జూన్ 2019 (19:02 IST)
బాలీవుడ్ అగ్ర హీరోయిన్ ప్రియాంక చోప్రా.. తాజాగా హాలీవుడ్ ఇంటి కోడలు అయ్యింది. క్వాంటికో సిరీస్‌లో నటించి మంచి పేరు కొట్టేసింది. ఆపై అమెరికా పాప్ సింగర్ నిక్ జోన్స్‌ను ప్రేమించి వివాహం చేసుకున్న ప్రియాంక చోప్రా.. ప్రస్తుతం అమెరికాలోనే సెటిలైపోయింది. తాజాగా ఓ లండన్ పత్రికకు ఇచ్చిన ఇంటర్వ్యూలో ప్రియాంక చోప్రా తన మనసులోని మాటను బయటపెట్టింది. 
 
ఈ ఇంటర్వ్యూలో ప్రియాంక చోప్రా ఆసక్తికర వ్యాఖ్యలు చేసింది. భవిష్యత్తులో తాను భారత దేశ ప్రధాన మంత్రి కావాలనుకుంటున్నానని చెప్పింది. అంతటితో ఆగకుండా తన భర్త జోన్స్ కూడా రాజకీయాల్లోకి అడుగుపెట్టాలని భావిస్తున్నానని.. నిక్ అమెరికా అధ్యక్షుడు కావాలని చెప్పింది. ''నేను భారత ప్రధాని.. మా ఆయన అమెరికా అధ్యక్షుడు కావాలి'' అంటూ వెల్లడించింది. 
 
రాజకీయాల్లో ఇంతవరకు తాను ఆసక్తి చూపెట్టలేదు. అయితే ప్రస్తుతం రాజకీయాలపై ఆసక్తి పెరిగింది. రాజకీయాల్లో పెను మార్పులు తీసుకురావాలని తాను భావిస్తున్నట్లు ప్రియాంక చోప్రా చెప్పుకొచ్చింది. గట్టిగా నమ్మితే అనుకున్నది సాధించవచ్చుననేదే తన అభిప్రాయం. తన భర్త నికో జోన్స్ కూడా సమర్థవంతమైన నాయకుడిగా ఎదుగుతాడని ప్రియాంక చోప్రా ఇంటర్వ్యూలో ఆకాంక్షించింది. 
 
ప్రస్తుతానికి సినిమారంగంలో అదరగొడుతున్న ప్రియాంక చోప్రా, ఆరోగ్యం, విద్య, మహిళల హక్కులపై ప్రజల్లో చైతన్యాన్ని నింపే కార్యక్రమాలను చేపడుతున్న సంగతి తెలిసిందే. 

వెబ్దునియా పై చదవండి

సంబంధిత వార్తలు