దర్శకధీరుడు ఎస్ఎస్ రాజమౌళి చెక్కిన 'బాహుబలి' మూవీ శిల్పంలో భళ్లాలదేవగా మెప్పించిన హీరో రానా దగ్గుబాటి. ఈ పాత్రతో ఒక్కసారి అంతర్జాతీయ స్టార్‌గా మారిపోయాడు. ఆ తర్వాత 'ఘాజీ', 'నేనే రాజు నేనే మంత్రి' సినిమాలతో మంచి విజయాలను అందుకున్నాడు.
తాజాగా ఈ సినిమాలో నా లుక్ ఇలా ఉండబోతుందంటూ.. ఓ ఫొటోని షేర్ చేశాడు రానా. ‘మొత్తానికి గడ్డం పోయింది. మరో కాలంలోకి వెళ్లడానికి సిద్ధమవుతున్నా. "1945" సినిమా లుక్ కోసం వర్క్ జరుగుతోంది. నవంబర్‌లో ఫస్ట్‌లుక్ విడుదల చేస్తాం’ అంటూ రానా షేర్ చేసిన ఫొటోకి అద్భుతమైన రెస్పాన్స్ వస్తోంది. గడ్డం తీసేసి, బ్లాక్ అండ్ వైట్ మిక్స్‌డ్ హెయిర్‌తో ఉన్న రానా లుక్ నిజంగానే అదిరిపోయింది. అయితే ఈ సినిమాకి సంబంధించిన పూర్తి వివరాలు త్వరలోనే వెల్లడికానున్నాయి.
