''రంగస్థలం'' కొత్త రికార్డులను కొల్లగొడుతోంది. తాజాగా మెగాస్టార్ చిరంజీవి రికార్డును అధిగమించాడు. తాజాగా ఖైదీ నెంబర్ 150 రికార్డును రంగస్థలం బ్రేక్ చేసింది. బాహుబలి రికార్డును పక్కనబెడితే.. వసూళ్ల పరంగా బాహుబలి తర్వాత నిలిచిన ''ఖైదీ నెంబర్ 150''ని రంగస్థలం వెనక్కి నెట్టింది. ఈ క్రమంలో రంగస్థలం రూ.164 కోట్ల గ్రాస్‌ను వసూలు చేసింది.
మార్చి30వ తేదీన ప్రపంచవ్యాప్తంగా విడుదలైన ''రంగస్థలం'' తొలిరోజునే 128 కోట్లను కొల్లగొట్టింది. అలాగే 13వ రోజుకు చేరుకునే సరికి రూ.161కోట్ల గ్రాస్‌ను రాబట్టింది. ఇక 14వ రోజున చిరంజీవి ''ఖైదీ నెం.150'' రికార్డును అధిగమించిందని సినీ విశ్లేషకులు ట్విట్టర్ ద్వారా తెలిపారు. తండ్రి మెగాస్టార్ సెట్ చేసిన రికార్డును చెర్రీ బ్రేక్ చేశాడు.
ఇదిలా ఉంటే.. రంగస్థలం సినిమా ఇతర భాషల్లోకి డబ్ అయ్యేందుకు సిద్ధమవుతోంది. ఈ సినిమాను ప్రధానంగా తమిళంలోకి, హిందీలోకి, మలయాళంలోకి అనువాదించాలని సుకుమార్ పక్కా ప్లాన్ వేస్తున్నట్లు తెలుస్తోంది.
ఇదివరకూ చరణ్ చేసిన సినిమాలు తమిళంలోకి అనువాదం అయ్యాయి. మగధీర, గోవిందుడు అందరివాడూలే.. సినిమాలు తమిళంలో హిట్ టాక్‌ను సొంతం చేసుకున్నాయి. ఇక చరణ్ హిందీలో నేరుగానే సినిమానే చేశాడు. దీంతో రంగస్థలం సినిమా హిందీ ప్రేక్షకులను కూడా బాగానే ఆకట్టుకుంటుందని సినీ పండితులు జోస్యం చెప్తున్నారు.
