నా లక్ష్మీస్ ఎన్టీఆర్... బాలయ్యకు అంకితం... వర్మ

శనివారం, 9 మార్చి 2019 (21:35 IST)
సంచ‌ల‌న ద‌ర్శ‌కుడు రామ్ గోపాల్ వ‌ర్మ తెర‌కెక్కించిన తాజా చిత్రం ల‌క్ష్మీస్ ఎన్టీఆర్. నందమూరి తార‌క రామారావు జీవితంలో జ‌రిగిన కీల‌క ఘ‌ట్టం ఆధారంగా ఈ సినిమా రూపొందించ‌డంతో దీనిపై అటు అభిమానుల్లోను, ఇటు ఇండ‌స్ట్రీలోను భారీ అంచ‌నాలు ఏర్ప‌డ్డాయి. దీంతో ఎప్పుడెప్పుడు ఈ సినిమాని చూస్తామా అని ఎదురుచూస్తున్నారు. ఇదిలావుంటే... ఈ మూవీ ట్రైల‌ర్ రిలీజ్ కార్య‌క్ర‌మం హైద‌రాబాద్ పార్క్ హ‌య‌త్‌లో జ‌రిగింది.
 
ఈ వేడుక‌లో వ‌ర్మ మాట్లాడుతూ... ఈ సినిమా తీయ‌డం వెన‌కున్న అస‌లు కార‌ణం బ‌య‌ట‌పెట్టారు. ఇంత‌కీ విష‌యం ఏంటంటే... బాల‌కృష్ణ‌తో వ‌ర్మ ఎన్టీఆర్ బ‌యోపిక్ తీయాల‌నుకున్నారు. ఈ విష‌య‌మై ఇద్ద‌రి మ‌ధ్య చ‌ర్చ‌లు కూడా జ‌రిగాయి. కానీ... ఏమైందో ఏమో కానీ బాల‌య్య వ‌ర్మ‌తో ఎన్టీఆర్ బ‌యోపిక్ తీయ‌డానికి నో చెప్పారు. అంతే... వ‌ర్మ‌కి ఎక్క‌డో మండింది. దాంతో ల‌క్ష్మీస్ ఎన్టీఆర్ సినిమా తీయాల‌నుకోవ‌డం... చ‌క‌చ‌కా క‌థ రెడీ చేయ‌డం జ‌రిగింది. ఈ విష‌యాన్ని వ‌ర్మ స్వ‌యంగా తెలియ‌చేసారు. ఈ సినిమాని బాల‌కృష్ణ‌కు అంకితం చేస్తున్నాన‌ని వ‌ర్మ ప్ర‌క‌టించ‌డం విశేషం.

వెబ్దునియా పై చదవండి

సంబంధిత వార్తలు