బాలీవుడ్ స్టార్ హీరో షారుఖ్ ఖాన్, దీపికా పదుకొనే, జాన్ అబ్రహం తదితరులు ముఖ్యపాత్రల్లో సిద్ధార్థ్ ఆనంద్ దర్శకత్వంలో తెరకెక్కిన చిత్రం పఠాన్. నాలుగేళ్ల విరామం తర్వాత షారూఖ్‌ ఖాన్ నటిస్తున్న చిత్రం కావడంతో ఈ సినిమాపై అంచనాలు భారీగా ఉన్నాయి.
తమిళం, తెలుగు, హిందీ, కన్నడ తదితర భాషల్లో విడుదలైన పఠాన్ రికార్డు స్థాయిలో కలెక్షన్లు రాబడుతోంది. ఈ చిత్రం అధికారికంగా 1000 కోట్ల రూపాయలను వసూలు చేసినట్లు ప్రకటించారు. హిందీలోనే 526 కోట్ల రూపాయలకు పైగా వసూలు చేసింది. దీంతో బాహుబలి 2 నుంచి అత్యధిక వసూళ్లు సాధించిన హిందీ సినిమాగా పఠాన్ రికార్డు సృష్టించాడు.
