టాలీవుడ్ ప్రిన్స్ మహేష్ బాబు స్పైడర్ సినిమాపై ఫ్యాన్స్ భారీ అంచనాలు పెట్టుకున్నారు. వారి అంచనాలు వమ్ము చేయని విధంగా దర్శకుడు మురుగదాస్ స్పైడర్‌ను తెరకెక్కించారు. ప్రస్తుతం షూటంగ్ చివరి దశలో వున్న ఈ చిత్ర ఆడియోను సినిమాను రిలీజ్ చేసేందుకు రంగం సిద్ధమవుతుంది. తెలుగు, తమిళ భాషల్లో రూపొందించిన ఈ చిత్రాన్ని మలయాళ, హిందీ భాషల్లోకి డబ్ చేస్తున్నారు.
అంతేకాకుండా అరబిక్ భాషలోనూ ఈ చిత్రాన్ని డబ్ చేసి ఒక రోజున అన్నీ భాషల్లో సినిమాను విడుదల చేయాలని మురుగదాస్ ప్లాన్ చేస్తున్నారు. స్పైడర్ అరబిక్ భాషలోనూ డబ్ అయ్యేందుకు కారణం ఈ సినిమాలోని ఓ పాటేనట. ఈ చిత్రంలోని 'పుచ్చకాయ.. పుచ్చకాయ..' అనే ఒక పాట కూడా అరబిక్ స్టైల్లోనే ఉంటుందట. త్వరలోనే ఈ పాటను విడుదల చేయనున్నారు.
