టాలీవుడ్ మోస్ట్ వాంటెడ్ హీరోయిన్ శ్రీలీల భలే తెలివిగా ఆఫర్లను అందిపుచ్చుకుంటుంది. తాజాగా అగ్రహీరోయిన్‌గా ఓ వెలుగు వెలుగుతున్న శ్రీలీల తాజాగా సినిమాల్లో స్పెషల్ సాంగ్స్ చేయడానికి నో చెప్పింది. భగవంత్ కేసరి ప్రమోషన్స్‌లో భాగంగా ప్రస్తుతానికి ఐటెమ్ సాంగ్స్ పట్ల తనకు ఆసక్తి లేదని పేర్కొంది. ఈ నిర్ణయం ఫ్యాన్సుకు షాకిచ్చింది.
చాలామంది దర్శకులు ఆమెను నటన పాత్రల కంటే డ్యాన్స్ నంబర్‌ కోసం ఎంచుకుంటున్నారు. దీంతో శ్రీలీల స్మార్ట్‌గా మారింది. ఇప్పుడు శ్రీలీల డ్యాన్స్‌పైనే కాకుండా నటనపై కూడా దృష్టి పెట్టాలనుకుంటోంది. ఆమె కేవలం డ్యాన్స్ కోసం మాత్రమే అవసరమయ్యే ప్రత్యేక పాటలు, చిత్రాల ఆఫర్లను తిరస్కరించింది.
కానీ వాటికి నో చెప్పడం ద్వారా, ఆమె నటనపై ఎక్కువ శ్రద్ధ చూపుతున్నట్లు తెలుస్తోంది. ఈ నిర్ణయం ఆమెకు మంచి పాత్రలు పొందడానికి, అగ్రహీరోయిన్‌గా నిలదొక్కుకోవడానికి సాయపడే అవకాశం వుందని సినీ జనం అంటున్నారు.
