కేసును సిబిఐకి అప్పగించిన తర్వాత, ఆ సంస్థ దాదాపు నాలుగు సంవత్సరాల పాటు దర్యాప్తు చేపట్టి, బహుళ కోణాలను అన్వేషించింది. ఈ రెండు కేసులలో సిబిఐ నివేదికలను సమర్పించింది.. ఒకటి సుశాంత్ సింగ్ రాజ్‌పుత్ తండ్రి రియా చక్రవర్తిపై చేసిన ఆరోపణలకు సంబంధించినది, మరొకటి సుశాంత్ కుటుంబంపై రియా చక్రవర్తి చేసిన ఆరోపణలకు సంబంధించినది.
అయితే, రియా చక్రవర్తిపై సుశాంత్ కుటుంబం నుండి వచ్చిన ఆరోపణల నేపథ్యంలో, బీహార్ ప్రభుత్వం ఈ కేసును సీబీఐకి బదిలీ చేయాలని సిఫార్సు చేసింది. ఆగస్టు 19, 2020న, సుప్రీంకోర్టు దర్యాప్తును సీబీఐకి అప్పగించింది.
సుశాంత్ సింగ్ రాజ్‌పుత్ మరణం హత్య కాదని, ఆత్మహత్య అని ఆల్ ఇండియా ఇన్‌స్టిట్యూట్ ఆఫ్ మెడికల్ సైన్సెస్ (ఎయిమ్స్) వైద్య నిపుణులు నిర్ధారించారు. ముంబైలోని ప్రత్యేక కోర్టుకు సీబీఐ తన నివేదికను సమర్పించింది. ఇప్పుడు ఆ నివేదికను అంగీకరించాలా లేక తదుపరి దర్యాప్తునకు ఆదేశిస్తుందా అనేది కోర్టు నిర్ణయిస్తుంది.
