సురాపానం సినిమా ఫస్ట్ లుక్ పోస్టర్ ని దర్శకులు వేణు ఉడుగుల శుక్రవారం విడుదల చేశారు. అనంత‌రం ఆయ‌న మాట్లాడుతూ, ఈ కరోన కష్ట కాలంలో ఒక సినిమా నిర్మించి బయటకి తీసుకురావడం అనేది చాలా సంక్లిష్టమైన విషయమని, ఇలాంటి పరిస్థితుల్లో వారు తీసుకున్న కంటెంట్ మీద ఉన్న నమ్మకంతో చిత్ర దర్శకులు సంపత్ కుమార్, ప్రొడ్యూసర్ మధు ప్రయత్నం విజయాన్ని సాధించాలని, సురాపానం ఫస్ట్ లుక్ పోస్టర్ చాలా అద్భుతంగా చిత్రీకరించారని, ఒక ఉన్నతమైనటువంటి కథా వస్తువుతో చిత్రీకరించిన ఈ సినిమా ప్రేక్షకుల మనసులో ఒక ఉన్నతమైన స్థానాన్ని సంపాదించుకుని మంచి హిట్ సాధించాలని మనస్ఫూర్తిగా కోరుకుంటున్నానని తెలిపారు.
సంపత్ కుమార్, ప్రగ్య నయన్, అజయ్ ఘోష్, ఫిష్ వెంకట్, సూర్య, జెన్నీ, మీసాల లక్ష్మణ్, చమ్మక్ చంద్ర, కోటేశ్వరరావు, విద్యా సాగర్, అంజి బాబు, గిరి పోతరాజు, సురభి ప్రభావతి, త్రిపుర,
సుజాత దీక్షితులు తదితరులు నటించారు.
ఈ చిత్రానికి సంగీతం భీమ్స్ సెసిరోలియో అందించగా, మాటలు రాజేంద్రప్రసాద్ చిరుత, కెమెరా విజయ్ ఠాగూర్, ఎడిటర్ జె. పి, నిర్మాతః మధు , కథ - స్క్రీన్ ప్లే - దర్శకత్వం సంపత్ కుమార్.
