భావోద్వేగాలకు, మానవతా విలువలకు పెద్ద పీట వేస్తూ క్లీన్ ఫ్యామిలి ఎంటర్టైనర్ గా తెరరకెక్కిన "వైభవం" దక్కించుకుంటున్న విజయవైభవం పట్ల ఈ సోదరులు తమ హర్షాతిరేకం వ్యక్తం చేశారు. థియేటర్లలో వస్తున్న స్పందన రెండేళ్లకు పైగా తాము పడిన కష్టం మర్చిపోయేలా చేసిందని వారు తెలిపారు. ఈ చిత్రం రూపకల్పనలో సహాయసహకారాలు అందించిన నటీనటులు, సాంకేతికనిపుణులు ప్రతి ఒక్కరికీ పేరు పేరునా రుత్విక్ - సాత్విక్ కృతజ్ఞతలు తెలిపారు.
