సుజీత్ దర్శకత్వం వహిస్తున్న ఈ సినిమా కోసం ప్రభాస్ ఫ్యాన్స్ ఆత్రుతతో ఎదురుచూస్తున్నారు. ఈ నేపథ్యంలో యువీ క్రియేషన్స్ సంస్థ రీసెంట్‌గా ఫిల్మ్ ఛాంబర్ ''రాధ ప్రేమకథ" అనే టైటిల్‌ను రిజిస్టర్ చేయించారు. టైటిల్ ప్రకారం హీరోయిన్ నేపథ్యంలో జరిగే సినిమాగా అనిపిస్తోంది. కొత్తదనం కోసమే యువీ క్రియేషన్స్ వారు ప్రభాస్ కోసం ఈ టైటిల్‌ను ఎంపిక చేసినట్లు సమాచారం.
ఇకపోతే.. సినిమా మార్కెట్ పెరుగుతున్న‌ట్టే టాలీవుడ్ సినిమాల బడ్జెట్ కూడా విప‌రీతంగా పెరిగిపోతోంది. అందుకు త‌గ్గ‌ట్టే సినిమాలో కంటెంట్ ఉంటే వ‌సూళ్లు కూడా వ‌స్తున్నాయి. ఇక బ‌డ్జెట్‌లో హీరోలు, హీరోయిన్లు, ద‌ర్శ‌కులు, సాంకేతిక నిపుణుల రెమ్యున‌రేష‌న్లు కూడా ఎక్కువ‌గానే ఉంటున్నాయి. తాజాగా రాధాప్రేమకథ సినిమా కూడా యంగ్ రెబ‌ల్ స్టార్ ప్రభాస్ కొత్త సినిమా బడ్జెట్ కూడా రూ.100 కోట్లు అని టాలీవుడ్ వర్గాల సమాచారం. యూవీ క్రియేషన్స్ సంస్థ నిర్మిస్తున్న ఈ సినిమా అక్టోబ‌ర్ నుంచి సెట్స్‌మీద‌కు వెళ్ల‌నుంది.
