కన్నడ హీరో య‌ష్ ప్ర‌ధాన పాత్ర‌లో దర్శకుడు ప్రశాంత్ నీల్ తెర‌కెక్కించిన ఈ చిత్రం 'కేజీఎఫ్'. ఈ చిత్రం బాక్సాఫీస్ రికార్డులు తిర‌గరాసింది. ఈ చిత్రానికి సీక్వెల్‌గా 'కేజీఎఫ్ 2' చిత్రాన్ని తెర‌కెక్కించ‌గా, జూలై 16న ప్రపంచ వ్యాప్తంగా "కేజీఎఫ్ చాప్టర్-2" రిలీజ్ కానుందని కరోనా ముందు ప్ర‌క‌టించారు.
అయితే, కరోనా వైరస్ కారణంగా పరిస్థితులు పూర్తిగా తారుమారయ్యాయి. దీంతో చిత్రం విడుదలను వాయిదావేశారు. డిసెంబ‌ర్‌లో విడుద‌ల అవుతుంద‌ని భావించినా, అది సాధ్యపడేలా లేదు. అందుకే ఏప్రిల్ 14, 2022న 'కేజీఎఫ్ 2' చిత్రం విడుద‌ల కానుందని పోస్ట‌ర్ ద్వారా ప్ర‌క‌టించారు. అయితే ఇక్క‌డే ఓ ట్విస్ట్ ఉంది.
'కేజీఎఫ్ 2' చిత్రాన్ని తెర‌కెక్కించిన ప్రశాంత్ నీల్ ప్ర‌భాస్‌తో "స‌లార్" చేస్తుండ‌గా, ఈ మూవీని కూడా అదే డేట్‌న రిలీజ్ చేస్తామ‌ని గ‌తంలో అనౌన్స్ చేశారు. మ‌రిప్ర‌శాంత్ నీల్ రెండు సినిమాలు ఒకే రోజు విడుద‌ల కానున్నాయా, లేదంటే స‌లార్ వాయిద ప‌డుతుందా అనేది తెలియాల్సివుంది.
