దండుపాళ్యం-2లో సంజన నగ్నంగా నటించిందని.. ఆ సన్నివేశాల వీడియో ప్రస్తుతం సోషల్ మీడియాలో వైరల్ అయిన సంగతి తెలిసిందే. దీనిపై సంజన తాజాగా స్పందించింది. వీడియో విడుదలైన తరువాత, అది తనదేనని, ఆ దృశ్యాలు కూడా చిత్రంలో ఉంటే బాగుండేదని అభిప్రాయపడ్డ సంజన, ఇప్పుడు ఆ సీన్ తీసేటప్పుడు తాను నగ్నంగా ఏమీ లేనని చెప్పుకొచ్చింది.
కంప్యూటర్ గ్రాఫిక్స్, స‌హాయ న‌టి స‌హాకారంతో నగ్న స‌న్నివేశాలు రూపొందించారే తప్ప తాను నగ్నంగా నటించలేదని క్లారిటీ ఇచ్చింది. సెన్సార్ నగ్నంగా ఉన్న సీన్స్ కట్ చేశారు. అయినప్ప‌టికి నగ్న చిత్రాలు సోషల్ మీడియాలో ఎలా ప్ర‌త్య‌క్ష‌మ‌య్యాయో అర్ధం కావ‌డం లేద‌ని సంజన పేర్కొంది. తన పేరుతో ఈ నగ్న చిత్రాల‌పై జ‌రిగిన ప్ర‌చారం త‌న‌ని ఎంతో బాధ‌కి గురి చేసింద‌ని తెలిపింది.
తన శరీర భాగాలను ఓ టవల్‌తో కప్పి ఆ దృశ్యాలు తీశారని, అందుకు సంబంధించిన ఫోటోలు తన వద్ద ఉన్నాయని, కంప్యూటర్ గ్రాఫిక్స్‌లో కలర్ గ్రేడింగ్, విజువల్ ఎఫెక్ట్‌లను జోడించి నగ్నంగా ఉన్నట్టు కనిపించేలా మ్యాజిక్ చేశారని చెప్పింది. ఇకపోతే జేమ్స్ బాండ్ సినిమాలో అవకాశం వచ్చినా, తాను వంద శాతం నగ్నంగా నటించనని, తన పరిధులు తనకు తెలుసునని, భారత సంస్కృతి ఎంతో బలమైనదని తన ట్విట్టర్ ఖాతాలో సంజన పోస్ట్ చేసింది.
