ప్రముఖ నటుడు, జనసేన అధినేత పవన్ కల్యాణ్‌తో విడాకుల అనంతరం నటి రేణూ దేశాయ్ మరో పెళ్లి చేసుకోవాలని నిర్ణయించుకున్నారు. ఈ విషయాన్ని ఆమె పలు సందర్భాల్లో వెల్లడించారు. అంతేకాదు ఒకానొక సందర్భంలో పవన్ వీరాభిమానులు ఆమె మరో పెళ్లి చేసుకోవడాన్ని తీవ్రంగా వ్యతిరేకించారు.
సోషల్ మీడియాలో యాక్టివ్‌గా ఉండే రేణూ దేశాయ్, ప్రస్తుతం పోస్ట్ చేసిన ఫోటో హాట్ టాపిక్‌గా మారింది. చేతిలో చెయ్యి వేసివున్న ఓ ఫొటోను పెట్టిన రేణూ దేశాయ్ సదరు వ్యక్తి స్పెషాలిటీని కవిత రూపంలో చెప్పింది. "స్వచ్ఛమైన ప్రేమ కోసం ఇన్నాళ్లూ చాలా చోట్ల వెతికాను. చివరకు నీ రూపంలో ఆ ప్రేమ దొరికిందని భావిస్తున్నాను. నా చేయిని జీవితాంతం విడువకు" అని రేణు దేశాయ్ వ్యాఖ్యానించింది.
