కీరదోసను చిన్న చిన్న ముక్కలుగా కట్ చేసుకుని అందులో కొద్దిగా నిమ్మరసం కలిపి ముఖానికి, మెడకు రాసుకోవాలి. దాంతో కీర ముక్కలను కళ్లపై గంటపాటు అలానే ఉంచి.. ఆ తరువాత గోరువెచ్చని నీటితో శుభ్రం చేసుకుంటే చర్మం తాజాగా మారుతుంది. నల్లటి వలయాలు, మెుటిమలు కూడా తొలగిపోతాయి. నిద్రలేని సమస్యతో బాధపడేవారు రోజూ కీరా ముక్కల్లో కొద్దిగా ఉప్పు, కారం కలిపి సేవిస్తే సమస్య పోతుంది.
శరీర ఒత్తిడి, అలసట వలన చర్మం ముడతలుగా మారుతుంది. అంతే కాదు.. చర్మంపై రంధ్రాలు కూడా ఏర్పడే అవకాశాలున్నాయి. అందుకు మంచి పరిష్కారం అరటిపండు. ఎలా అంటే.. అరటిపండును గుజ్జుగా చేసుకుని అందులో కొద్దిగా చక్కెర కలిపి ముఖానికి రాసుకోవాలి. 20 నిమిషాల తరువాత చల్లని నీటితో శుభ్రం చేసుకోవాలి. ఇలా తరచుగా చేస్తే చర్మ రంధ్రాలు తొలగిపోతాయి.
పెరుగు ద్వారానే మజ్జిగ తయారుచేస్తారు. మరి ఈ రెండింటిని జతచేస్తే కలిగే ప్రయోజనాలు పరిశీలిద్దాం.. పెరుగులో కొద్దిగా తేనె, మజ్జిగ కలిపి ముఖానికి ప్యాక్ వేసుకోవాలి. గంట తరువాత గోరువెచ్చని నీటితో శుభ్రం చేసుకోవాలి. తద్వారా చర్మం కాంతివంతంగా మారుతుంది.
