ఈ కాలంలో జలుబు అందరికి తరచుగా వస్తుంటుంది. వాతావరణం మారినప్పుడు జలుబు రావడం సహజమే. ఈ జలుబును వాముతో తగ్గించవచ్చును. వామును ఒక స్పూన్ తీసుకుని బాగా కలుపుకోవాలి. అనంతరం ఆ పొడిని శుభ్రమైన వస్త్రంలో కట్టుకుని దాన్ని వాసన పీలుస్తుంటే జలుబు వెంటనే తగ్గుతుంది. స్పూన్ వాము, ధనియాలు, జీలకర్ర ఈ మూడింటిని కలిపి పెనంపై దోరగా వేయించుకోవాలి.
ఈ మిశ్రమాన్ని కషాయంగా చేసుకుని తాగితే జ్వరం తగ్గుతుంది. కొద్దిగా వామును ఒక గ్లాస్ నీటిలో నానబెట్టుకుని ఆ తరువాత ఆ నీటిలో కొద్దిగా ఉప్పును కలుపుకోవాలి. ఈ మిశ్రమాన్ని తీసుకుంటే వాంతులు, వికారాలు తగ్గుతాయి. పాలలో వాము, మిరియాలు, ఉప్పును కలుపుకుని చూర్ణంలా చేసుకోవాలి. ఈ మిశ్రమాన్ని ప్రతిరోజూ భోజనానికి ముందు తీసుకోవాలి.
ఇలా తీసుకోవడం వలన కడుపునొప్పి తగ్గుతుంది. జీర్ణవ్యవస్థకు చాలా మంచిది. అలానే వామును ముద్దగా చేసుకుని దంతాల మూలల్లో పెట్టుకుంటే దంతాల నొప్పి ఉండదు. గొంతునొప్పికి వాము దివ్యౌషధంగా పనిచేస్తుంది. వామును ఒక గ్లాస్ నీటిలో మరిగించి ఆ నీటిని తీసుకుంటే కిడ్నీల్లో రాళ్ల కరుగుతాయి. గర్భంతో ఉన్న మహిళలు వామును రోజూ తీసుకుంటే రక్తాన్ని శుభ్రం చేయుటలో ఉపయోగపడుతుంది. కడుపులోని బిడ్డకు రక్తసరఫరా మెరుగ్గా అందిస్తుంది.
