చలికాలం వచ్చేస్తుంది. వాతావరణంలో మార్పు కారణంగా వ్యాధినిరోధక శక్తి తక్కువగా ఉన్న వారిని జలుబు ఆవహిస్తుంది. జలుబుకు జ్వరం కూడా తోడవుతుంది. అలాంటి వారు మీరైతే ఈ చిట్కా పాటించండి. జలుబును దూరం చేసుకోవాలంటే.. ఈ చిట్కాను పాటిస్తే సరిపోతుంది. మూడు నిమ్మకాయలను తీసుకుని.. వాటిని సగానికి కట్ చేసి ఓ పాత్రలో వేసుకుని అందులో నాలుగు గ్లాసుల నీరు చేర్చండి.
ఈ నిమ్మకాయలకు కాసింత ఉప్పు కూడా చేర్చుకోండి. ఆపై నిమ్మకాయ, నీరు, ఉప్పుతో కూడిన పాత్రను స్టౌ మీద పెట్టి మరిగించండి. ఇంకా నాలుగు గ్లాసుల నీరు రెండు గ్లాసులయ్యేంత వరకు మరిగాక స్టౌ ఆఫ్ చేయండి. ఆపై పాత్రలో నీటిలో మరిగిన నిమ్మకాయలను తీసి రసం పిండుకుని మరిగించిన నీటితో కలుపుకోవాలి.
