ప్రపంచాన్ని వణికిస్తున్న కరోనా వైరస్ బారినపడకుండా ఉండేందుకు వీలుగా విధిగా మాస్కులు ధరించాలని, భౌతికదూరం పాటించాలని వైద్య నిపుణులు పదేపదే హెచ్చరిస్తున్నారు. దీంతో అనేక మంది ఇంట్లో నుంచి కాలుబయటపెడితే ముఖానికి మాస్క్ ధరిస్తున్నారు. అయితే, ఈ మాస్కులు ధరించడం వల్ల శరీరంలో రోగనిరోధకశక్తి తగ్గుతుందని ఇంగ్లండ్‌లోని రాయల్ కాలేజ్ ఆఫ్ జనరల్ ప్రాక్టీషనర్స్ (ఆర్ఎస్‌జీపీ) నిర్వహించిన తాజా అధ్యయనం వెల్లడిస్తోంది.
ఈ అధ్యయనంలో వెల్లడైన అంశాలు ఏమిటంటే, మాస్క్ ధారణ, భౌతిక దూరం పాటించడానికి సంబంధించిన ఆంక్షలను ఉపసంహరించిన తర్వాత సాధారణ సూక్ష్మ జీవుల నుంచి తప్పించుకునే సామర్థ్యం బాలలకు తగ్గుతుందని శాస్త్రవేత్తలు చెప్తున్నారు.
దీనికి కారణం కోవిడ్-19 మార్గదర్శకాల అమలుకాలంలో బాలల్లో రోగ నిరోధక శక్తి బలహీనపడటమేనని చెప్తున్నారు. ఈ ఆంక్షల అమలు కాలంలో బాలలు మాస్క్‌లు ధరిస్తూ, భౌతిక దూరం పాటిస్తూ సూక్ష్మ జీవుల నిరోధక సామర్థ్యాన్ని పెంచుకోలేకపోయినట్టు తేలిందని పేర్కొంది.
