ఓ మహిళ వివాహేతర సంబంధం నెరపిందనేందుకు దారుణ శిక్ష విధించారు.. ఆ గ్రామస్థులు. వేరొక వ్యక్తితో అక్రమ సంబంధం నెరపిన మహిళ పట్ల ఆ గ్రామస్థులు దాడి చేశారు. అభ్యంతరకరమైన మాటలతో దూషించారు. భర్తను భుజానికి ఎత్తుకుని ఊరంతా తిప్పమన్నారు. అంతే ఆ మహిళ అష్టకష్టాలు పడుతూ ఆ శిక్షను అనుభవించింది. ఈ ఘటన మధ్యప్రదేశ్‌‌లో చోటుచేసుకుంది.
ఇంటికి వచ్చాక సదరు భర్త.. తన భార్యకు వేరొక వ్యక్తితో వివాహేతర సంబంధం ఉందని కుటుంబ సభ్యులు, గ్రామస్తుల ముందు అనుమానం వ్యక్తం చేశాడు. అతను చెప్పింది నిజం అని నమ్మిన గ్రామపెద్దలు మూర్ఖంగా.. ఎలాగైనా ఆమెకు బుద్ధి చెప్పాలని నిర్ణయించారు.
తప్పు చేసిందని ఆరోపిస్తూ భర్తను మోసుకుని గ్రామమంతా తిప్పాలని ఒత్తిడి తెచ్చారు. దీంతో తప్పనిసరి పరిస్థితుల్లో ఇందుకు అంగీకరించిన బాధితురాలు భర్తను మోయలేక ఇబ్బంది పడింది. ఆమె అలా భర్తను మోసుకు వెళుతుంటే.. వెనకాల అల్లరి చేస్తూ, దారుణంగా తిట్టేస్తూ, కొట్టేస్తూ గ్రామస్తులు పైశాచిక ఆనందం పొందారు.
