Rain in Telangana: తెలంగాణ వ్యాప్తంగా రానున్న మూడు రోజుల పాటు తేలికపాటి నుంచి మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. శనివారం రాష్ట్రంలోని పలు ప్రాంతాల్లో వర్షాలు కురిసే అవకాశం ఉండగా, రానున్న రెండు రోజుల్లో వివిధ ప్రాంతాల్లో ఇదే విధమైన వాతావరణ పరిస్థితులు ఉండే అవకాశం ఉంది.
ఎలాంటి వాతావరణ హెచ్చరికలు జారీ చేయలేదని ఆ శాఖ స్పష్టం చేసింది. అయితే, రాష్ట్రంలోని కొన్ని జిల్లాల్లో శనివారం ఉదయం పొగమంచు కురిసే అవకాశం ఉంది. రానున్న వారం రోజుల్లో తెలంగాణ వ్యాప్తంగా కనిష్ట ఉష్ణోగ్రతల్లో పెద్దగా మార్పులు ఉండవని ఆ శాఖ పేర్కొంది
