తెలంగాణ రాష్ట్ర సమితి నేత, నిజామాబాద్ ఎంపీ కవిత- కాంగ్రెస్ సీనియర్ నేత డీకే అరుణల మధ్య మాటల యుద్ధం సాగుతోంది. డీకే అరుణను ఉద్దేశించి ''బొమ్మాళీ ఇంట్లో కూర్చో''అంటూ కవిత తీవ్రస్థాయిలో విరుచుకుపడ్డారు. కవిత కామెంట్లపై డీకే అరుణ కూడా ధీటుగా సమాధానమిచ్చారు.
గద్వాలలోని కోట తమది కాదని అరుణ గుర్తు చేశారు. కేసీఆర్ ప్రభుత్వం జిల్లాల ఏర్పాటులో మొండి వైఖరి వీడాలని హితవు పలికారు. గద్వాలను జిల్లాగా చేయాల్సిందేనని ఆమె డిమాండ్ చేశారు. రాజకీయ లబ్ధి కోసం కొత్త జిల్లాల ఏర్పాటు తగదని డికె అరుణ అభిప్రాయపడ్డారు. ఏయే ప్రాతిపదికన జిల్లాల విభజన చేస్తున్నారో చెప్పాలన్నారు.
