ఇప్పుడిదే టాలీవుడ్ ఇండస్ట్రీలో జరుగుతున్న మరో చర్చ. ఎప్పటి నుంచో ఓ టాక్ వుంది. అదేంటంటే... హీరో చాన్స్ కోసం నిర్మాత లేదా దర్శకుడికి డబ్బులివ్వడం. అసలు విషయానికి వస్తే... పెళ్లి చూపులు చిత్రంతో సూపర్ డైరెక్టరుగా పేరు తెచ్చుకున్న తరుణ్ భాస్కర్ ఇటీవలే సురేష్ ప్రొడక్షన్స్ బ్యానర్ పైన రూపొందిన ఈ నగరానికి ఏమైంది చిత్రానికి దర్శకత్వం వహించడం, అది బాక్సాఫీసు వద్ద బోర్లాపడిపోవడం మనకు తెలిసిందే. ఐతే ఈ చిత్రంలో నటించిన కొత్త నటుల్లో విశ్వక్ సేన్ అనే నటుడు కూడా వున్నాడు.
గతంలో దిల్ రాజు నిర్మాతగా వచ్చిన వెళ్లిపోమాక చిత్రంలో నటించాడు కానీ ఎవ్వరూ పట్టించుకోలేదు. దానితో ఈ నగరానికి ఏమైంది చిత్రం తీసేందుకు కొత్తవాళ్లను వెతుకుతున్నారని తెలుసుకుని తరుణ్ భాస్కర్‌ను సంప్రదించాడట. తనకు ప్రాముఖ్యమైన పాత్ర ఇస్తే రూ. 80 లక్షలు ఇస్తానని చెప్పడం, తరుణ్ తలూపడం జరిగిపోయిందట. దీనితో విశ్వక్ సేన్ అందులో నటించాడు.
