'జబర్దస్త్' ఆదిపై దాడి.. కారణం ఆ స్కిట్టేనా?

మూవీ ఆర్టిస్ట్ అసోసియేషన్‌ (మా)లో భాగంగా తన ప్యానల్ తరపున ప్రచార కార్యక్రమాల్లో చురుగ్గా పాల్గొన్నాడు మంచు విష్ణు. ప్రతీ న్యూస్ ఛానల్ వారికి అతను ఇంటర్వ్యూలు ఇచ్చాడు. ఈ దశలో అతను ట్రోలింగ్‌కు కూడా గురయ్యాడు. 

ప్రకాష్ రాజ్‌కు తెలుగు రాదు అంటూనే అతను.. తెలుగు సరిగ్గా మాట్లాడకుండా ట్రోలర్స్‌కు దొరికిపోయాడు. మీమ్ పేజెస్ వారికి బోలెడంత స్టఫ్ ఇచ్చాడు. బిగ్ బాస్, ఐపీఎల్ కంటే ఎక్కువగా 'మా' ఎన్నికలు వీడియోలే చూసేంత ఇంట్రెస్ట్ కలిగించేలా చేశాడు మంచు విష్ణు. 

అయితే ప్రచార కార్యక్రమాల్లో భాగంగా మంచు విష్ణు వాడిన పదాలని.. 'జబర్దస్త్' స్టార్ కమెడియన్ హైపర్ ఆది తన స్కిట్ కోసం వాడుకున్నాడు. దీపావళి నాడు టెలికాస్ట్ అయిన ఎపిసోడ్‌లో ఆది మరింత ఉత్సాహంతో విష్ణు వాడిన డైలాగులని పలకడంతో అవి వైరల్ అయ్యాయి. ఆది స్కిట్ వల్ల మంచు విష్ణు, అతని సన్నిహితులు కూడా హర్ట్ అయ్యారని తెలుస్తోంది.

అంతేకాకుండా ఆది ఈ స్కిట్ వేయడం వెనుక మెగా బ్రదర్ నాగబాబు హస్తం కూడా ఉందని వారు అనుమానంతో ఆదిని హెచ్చరించి క్షమాపణ చెప్పాలని డిమాండ్ చేశారట. దానికి ఆది నిరాకరించడంతో నేరుగా సెట్ వద్దకు వెళ్ళి ఆదిపై వారు చెయ్యి చేసుకోవడమే కాక.. అక్కడ చాలా సామాగ్రిని ధ్వంసం చేసినట్టు సమాచారం.