-ఇట్లు మారేడుమిల్లి సినిమా షూటింగ్ జరుగుతున్నప్పుడు బచ్చలపల్లి కథ విన్నాను. కథ వినగానే బాడీలో ఒక ఎనర్జీ క్రియేట్ అయింది. మంచి ఎమోషనల్ ఫ్యామిలీ యాక్షన్ డ్రామా. నా మైండ్ లో ఈ కథ ఉండిపోయింది. ఎక్కడికి వెళ్లినా ఈ కథే గుర్తుకొచ్చేది. నరేస్గ్ కి కథ చాలా నచ్చింది. అయితే అప్పటికి నరేష్ వేరే సినిమాలు కమిట్ అవ్వడం వల్ల ఆయన కోసం రెండేళ్లు వెయిట్ చేసి ఈ సినిమా చేశాం. బచ్చలమల్లి క్యారెక్టర్ డ్రివెన్ సినిమా. 1980లో జరిగే ఫిక్షనల్ కథ.
- బచ్చలపల్లి ఎలాంటి కథగా చెప్పాలంటే.. లైఫ్ లో తప్పులు చేయొచ్చు. కానీ సరిదిద్దుకోలేని తప్పులు చేస్తే ఎలా ఉంటుందో బచ్చలపల్లి చూపించాం. మూర్ఖత్వం బోర్డర్ దాటేసిన క్యారెక్టర్ ఇది. సినిమాలో ఎమోషన్స్ చాలా అద్భుతంగా ఉంటాయి. డైరెక్టర్ సుబ్బు చాలా కసితో సినిమా చేశాడు. చాలా హార్డ్ వర్క్ చేశారు. మళ్ళీ మళ్ళీ తనతో వర్క్ చేయాలని వుంది. మా బ్యానర్ లో తను వన్ అఫ్ ది బెస్ట్ డైరెక్టర్.
-నేను విలేజ్ నుంచి వచ్చాను. విలేజ్ లో ఇలాంటి క్యారెక్టర్స్ ఉంటాయి. అలాగే హీరో క్యారెక్టర్ డ్రివెన్ సినిమాలు ఎప్పుడు కూడా ప్రేక్షకుల్ని ఆకట్టుకుంటాయి. ప్రేక్షకులకి ఎమోషనల్ గా కనెక్ట్ అవుతాయి. ఇందులో మంచి క్యారెక్టరైజేషన్, లవ్ స్టోరీ, ఎమోషన్స్.. ఇవన్నీ కూడా నన్ను ఎక్సయిట్ చేశాయి. కథ విన్నప్పుడు ఎంత ఎమోషన్ అయితే ఉందో సినిమా చూసిన తర్వాత కూడా అంతే ఎమోషనల్ గా అనిపించింది. అందుకే సినిమా పై చాలా నమ్మకంగా ఉన్నాను.