పడి పడి లేచే మనసు సినిమా ప్రీ ఈవెంట్ ప్రోగ్రామ్ అట్టహాసంగా జరిగింది. రొమాంటిక్ ఎంటర్టైనర్‌గా తెరకెక్కనున్న పడి పడి లేచే మనసు సినిమాలో శర్వానంద్, సాయిపల్లవి జంటగా నటిస్తున్నారు. ఈ సినిమాకి దర్శకత్వం హను రాఘవపూడి వహిస్తున్నారు.
ఈ సందర్భంగా హీరో శర్వానంద్ మాట్లాడుతూ.. బన్నీని లక్కీ హ్యాండ్ అంటూ పొగిడేశారు. ఆయన చీఫ్ గెస్ట్‌గా అటెండైన ఫంక్షన్లు సూపర్ హిట్ అవుతాయని.. ఇంకా సినిమాలు కూడా హిట్ కొడతాయన్నారు. ఇలా ఇప్పటికే విజయ్ దేవరకొండకు రెండు హిట్స్ ఇచ్చేశారని బన్నీకి కితాబిచ్చాడు. బన్నీ ఫ్యాన్సును డిసిప్లైన్‌కు పేరున్న వారని కొనియాడారు. ఇక పవన్ ఫ్యాన్స్‌ను కూడా ఆకాశానికి ఎత్తేశారు.
పవన్ ఫ్యాన్స్‌ను ఖుషీ చేసేలా జై పవర్ స్టార్ అంటూ శర్వానంద్ ఫంక్షన్‌లో చెప్పారు. ఇంకో ఫంక్షన్‌కి ఆయన్ని కూడా పిలుద్దామన్నారు. కానీ ప్రస్తుతం చాలా బిజీగా వున్నారని చెప్పుకొచ్చారు. ఇక పడి పడి లేచే మనసు సినిమాను కథను ఆధారంగా తీసుకుని రూపొందించామన్నారు. సాయిపల్లవి గురించి చెప్పాలంటే.. మంచి ఫ్రెండ్ అన్నారు. అంకితంగా పనిచేసే అమ్మాయని ఫిదా హీరోయిన్‌ను శర్వానంద్ కొనియాడారు.
