ఫస్ట్ లుక్ వీడియోను పరిశీలిస్తే, కార్తీక్ ఆర్యన్ మందపాటి గడ్డంతో కనిపిస్తుండగా, శ్రీలీల తన గ్లామర్ డోస్‌ను పెంచింది. నిమిషం నిడివి గల టీజర్‌లో, కార్తీక్‌తో శ్రీలీల కెమిస్ట్రీ బాగా పండింది. ఆమె సినిమాలో లిప్-లాక్ సన్నివేశాలను కూడా చేసినట్లు కనిపిస్తోంది.
ఈ చిత్రం రొమాంటిక్ అంశాలతో కూడిన మ్యూజికల్ డ్రామాగా తెరకెక్కుతోంది. ఈ చిత్రం ఆషికి ఫ్రాంచైజీలో మూడవ భాగం అని ఊహాగానాలు ఉన్నాయి.. కానీ దానిపై స్పష్టత లేదు. గతంలో, ఈ సినిమాలో త్రిప్తి దిమ్రిని ప్రధాన మహిళా పాత్రలో కనిపించాల్సి ఉంది కానీ శ్రీలీల ఆమె స్థానంలో వచ్చింది.
ఈ చిత్రం 2025 దీపావళి సందర్భంగా విడుదల అవుతుందని మేకర్స్ ధృవీకరించారు. ఇకపోతే, శ్రీలీల మాడాక్ ఫిల్మ్స్ బ్యానర్‌లో సైఫ్ అలీ ఖాన్ కుమారుడు ఇబ్రహీం అలీ ఖాన్‌తో కలిసి మరో బాలీవుడ్ ప్రాజెక్ట్‌లో నటించనుంది.
