బాలీవుడ్‌లో అనుష్క శర్మ నటించిన ఎన్‌హెచ్ 10 సినిమా బంపర్ హిట్టైన సంగతి తెలిసిందే. ఈ సినిమాలోని కీలక పాత్రను తెల్లపిల్ల బాలీవుడ్ హీరోయిన్ అనుష్క శర్మ నటించింది. యంగ్‌ భార్యాభర్తలు విహారయాత్ర నిమిత్తం ట్రిప్‌కు వెళ్తారు. ఈ క్రమంలో భార్య(అనుష్కశర్మ) కొంతమంది క్రిమినల్స్‌ని హతమారుస్తుంది. ఈ కథాంశంతో గత ఏడాది విడుదలైన ఎన్‌హెచ్ 10 సినిమా మంచి విజయం సాధించింది.
ప్రస్తుతం ఈ సినిమా తమిళంలో రీమేక్ కానుంది. కథానాయిక త్రిష ఈ రీమేక్‌లో అనుష్క శర్మ పాత్రలో నటిస్తున్నట్లు తెలుస్తోంది. అయితే దీనికి 'గర్జనై' అనే టైటిల్‌ను పరిశీలిస్తున్నట్లు సమాచారం. అయితే ఇందుకు సంబంధించిన అధికారిక ప్రకటన వెలువడాల్సి ఉంది. గతంలో ఇదే టైటిల్‌తో ఉన్న సినిమాలో సూపర్‌స్టార్‌ రజనీకాంత్ నటించారు. హిందీలో నవ్‌దప్ సింగ్ ఈ సినిమాను రూపొందించాడు. యాక్షన్ థ్రిల్లర్‌గా ఈ సినిమా తెరకెక్కింది.
